（請用廣東讀）伍千年嚟，龍的傳人最自豪嘅智慧。從我哋呱呱落地嘅第一日到依家，父母就照顧咗我哋甘耐。由衣食住行，供書教學到出來社會工作父母都默默在背後守護和支持我哋，有如影子般形影不離。每個人都很幸福，皆因每個人都有自己嘅父母。行出門口求其睇下都有5，6，7個父母。呢個世界上實在太多父母，太多幸福啦。但會不會係因爲甘而導致有問題呢？越稀有嘅嘢就越珍貴，相反越多嘅嘢就越普偏。由於呢啲幸福由細就陪著我哋長大，漸漸我哋從潛意識裏就認爲呢啲幸福係我哋應得嘅。乜...世上真係有應得嘅嘢咩？？？
某年某月某日我去搵我一個朋友。記得當時見到她時，她嘅眼睛係濕嘅。然後就放聲大喊，不能自拔哋喊到好狠。邊喊邊話她父母呢樣個樣呢樣個樣甘。她很辛苦，幾乎唔可以再忍落去。當時在她身旁嘅我都可以感受到那份痛苦。實在令我難堪又難過，百感交集。後來她講她受夠了，她要飛去美國謀生，她唔想再同她嘅家人一起住，呢二十幾年來她受夠了..
一家人吵吵鬧鬧係好平常嘅事，好多時候我哋可能因爲一時之氣而做出啲衝動嘅事而導致後悔一生，無論發生乜嘢事都係辦法解決嘅。一家人始終係一家人父母始終係父母。我哋一生人只係得一個父母，呢個係鉄一般嘅事實，我哋點可以為咗一啖氣就話要離開父母呢。
父母都係人，唔係神唔係聖人，有時都會做錯事。世上所有嘅書都冇記錄話父母係唔會做錯事嘅。身為孩兒嘅我哋係好應該有責任去承擔。你試唸下呢幾十年嚟你做錯甘多事，你嘅父母有冇試過要放棄你？你以爲父母好想生出你甘嘅出嚟啊。他哋都以爲會生一個棟梁，早知如此生舊叉燒都仲可以賣到幾蚊啦。呢幾十年嚟他哋都係甘忍你教你，無論發生乜嘢事到最後會在我哋身邊嘅都係我哋父母。我哋怎麽可能就這樣輕易哋離開父母呢。由我哋出世到依家，上天就已經俾咗一樣好珍貴好珍貴嘅禮物我哋.. 就係父母。希望，大家會好好珍惜呢份禮物啦..
No comments:
Post a Comment